Op vri’jdag 22 september holen de Fryske Krite van Oosterwoolde en de Stellingwarver Schrieversronte veur de vuufde keer heur jaorlikse gezaemelike literair-kulturele aovend.

Die aovend is de ofsluting van de Stellingwarver sutelaktie en de Friese boekeweke, en voldot bi’j et pebliek ommeraek goed. Dat bliekt veural an de opkomst, want die wodt ieder jaor groter. Dit keer komt vanuut de Friese hoeke schriever Ferdinand de Jong uut Drachten veurlezen en vertellen uut eigen wark. Veur de Stellingwarver inbreng zorgt Klaas Dijkstra van Langedieke; hi’j zal verhaelen veurlezen uut et boek ‘Daegelikse dinkies’ van Klaas van der Weg (1915 – 1995) uut Ni’jtriene.

De aovend is in De Miente in Oosterwoolde, en begint om 20.00 ure. De toegangspries is veur leden van de Krite en de Schrieversronte € 6,00, eren betaelen € 7,50.