Berne: 09-10-1949, Snits
Sybout Hartog waard berne yn Snits, mar groeide op yn Amsterdam. Op syn alfde kaam er werom nei Snits, dêr’t er letter dosint Ingelsk oan it Bogerman College waard. As bern skreau er al ferhalen, it dichtsjen kaam letter.
Berne: 29-06-1919, TERNAARD
Ferstoarn: 06-02-2022, Feanwâlden
Heabeltsje Seepma is berne en opgroeid op in pleats yn Ternaard. Al jong moast se mei oanpakke op de buorkerij. Leaver hie se trochleard en har skriuwtalint fierder ûntwikkele, mar dêr krige se gjin gelegenheid foar. As bern mocht se graach lêze. Opstellen skriuwe koe se goed, foar wat snobbersguod skreau se ek foar oare bern út ’e klas noch ien. Nei har trouwen hie se it earst net oan tiid om te skriuwen.
Berne: 20-08-1931, Drachten
Ferstoarn: 31-03-2004, Koartehimmen
Anne Hellinga is berne yn Drachten. Syn heit wurke by it Termogemyske fabryk te Burgum, nei dy omkriten ferhuze de famylje letter dan ek. Anne wenne yn syn jeugd yn Burgum, Garyp, Eastermar en Sumar.
Berne: 06-06-1946, Tersoal
Bouke van der Hem is berne op 6 juny 1946 yn Tersoal. Dêr hat er ek syn jeugd trochbrocht, hy groeide op yn in boerehúshâlding.
